Kaixo lagunok!
MUko ikasleak gara. Euskal Herriko txoko
ezberdinetatik gatoz eta egun bizi ditugun komunikatzeko zailtasun eta ohituren
gainetik, MU-ko ikasleon bozgoragailu izango den gune partehartzaile, parekide
eta euskalduna sortu dugu: HITZARTU, Mondragon Unibertsitateko Ikasleon
Proiektu Komunikatiboa.
Gure helburuak bizitza unibertsitarioa, eta bide
batez, ikasleen arteko harremanak sustatzea, karreran zehar ikasitakoa
praktikan jartzea eta Euskal Herri guztiak gure berri izatea da. Horretarako,
gure komunikazio bide nagusiak sare sozialak eta webgunea
izango dira. Webguneak gune asko izango ditu: MU-ko albisteak, agenda,
blogariak, apunteen trukaketa, multimedia gunea…
Horrela, gure proiektuari zuen atxikimendua
eman, eta hasi berri dugun bide honi gurekin batera ekitera gonbidatzen
zaituztegu. Hedabide handien hegemonia sufritzen ari garen garai hauetan, eta
herritik eta herriarentzat egindako komunikabideek duten garrantziaz konstiente
izanik, esnatu eta hitza hartu!
HITZARTU,
2014ko otsailaren 6an